| | |
| شريط الإعلانات || |
 |  |  |
 |  |  |
| |||||||
| التسجيل | التعليمـــات | قائمة الأعضاء | التقويم | البحث | مشاركات اليوم | اجعل كافة المشاركات مقروءة |
| العادات والتقاليد السورية كل ما يخص ازياء وعادات وقيم من بلدنا سوريا بالاضافة لاسماء العيل وتراث المناطق |
 |
| | LinkBack | أدوات الموضوع | طرق مشاهدة الموضوع |
06-18-2008, 09:04 PM
| رقم المشاركة : [1 (permalink)] |
| .::||[ قلب المنتدى ]||::.    |  اللهجة سورية في دقيقتين بسم الله الرحمن الرحيم مساااااااااائكم عسل وصباااااااااااااحكم قشطة .. اليوم جبلتكن اللهجات سورية على أصولها يلا نبدأ اللهجة الحلبية : الاستعمال : عوجة :كوع سيوي : دغري أنضرة : الكندرة تاسومة : السكربينة لاصطيكة : مطاطة مصراط : مصاري خوته : معه صراع جدبة : مجنون طاول طاول : أبداً معلاق جلق : الغليظ خَلْء : عالم خيت وخَيْتو : يعني أختي خاي وخيو : يعني أخي أبويْ : أبي ونانتي : يعني جدتي يوم : معناها باللغة العربية وبكل اللهجات هو ال24 ساعة بينما باللهجة الحلبية بتجي بمعنى ماما سكرتون : خزانة السلاتة : القشّاطة خولية : البشكير أرمغان : هدية جنق : هي الصحن جمجاية : معلقة السكب فرتيكة : هي الشوكة الدءماءة : مدقة التوم الدروبُس : البونبون بتعرفوه كما امتازت اللهجة الحلبية بأدوات إشارة خاصة بالحلبية .. يعني العرب كلهون كوم .. وهنن كوم تاني غير عن عالعرب كلها .. كوهنه : للمذكر القريب كيهنه : للمؤنث القريب كوهاك : للمذكر البعيد كيهاك : للمؤنث البعيد كوهاكيي : لجمع المذكر البعيد كيهاكين : لجمع المؤنث البعيد كوهنن : لجمع المذكر القريب كيهنن : لجمع المؤنث القريب وطبعا للسهولة في اختصارات كمان اختصار المذكر القريب : كو اختصار المؤنث القريب : كي ومن الاختصارت أيضاً: تاااا : بدل من تعال رووو : بدل من روح استنوا لسا ماخلصت اشبكن في كمان بروك : اجلس أبوس روحك : للمدح يبلاك بقتلك : دعاء بالقتل والضرب إشْ ضاءلَّك : يعني شو بدي قلك ديه بقا : للتأفف أَبَوْ :للتفاجؤ اشبك ؟ : سؤال عَلوّا : أي يا حبذا فيون اشلك فصتون ؟ : يعني بالشامي شو بدك تَعَوَّقِت : يعني تأخرت باتشاية : غطاء الوتش كنجفة و سكمبيل : تنيناتن مرادف لورق الشدّة آط : هي مرادف لكلمة طابق باب السقاق(السآء) : يعني باب الدار قفه : سله من خيزران يوضع فيها التين عادة انْصْرَة : يعني اغتنم الفرصة فصط : يعني وسط (نحن من فصط حلب ( هي المصطلحات الحلبية أمــا المصطلحات أهل اللاذقية : عين ( الياء مشددة ) : انظر ريحة : بارفان خفافة : حذاء للرياضة السيبا : السلم العمىىىىىىىى : .تقال في حالة الصدمة الشديدة و غالبا شيء ما كويس جلموء : مصلحجي معلاء : بيتدخل بكل شي بالورب : بالمايل آآآآآآ ( مد لازم 12 حركة و فتح الفم ) : للتعجب و الإستفهام شفاتير : شفايف شحاري : إيا عزاااااااااة : للتعجب الكثير وا قرود : لتعجب وا قرود الأرض : للتعجب الكثير كلاكيش : أغراض عمشة : وسخة دربكو : دعتروا : أوقعه أرضا زنزوءة : مرجوحة خروء : ضعيف أما المصطلحات الحموية يا هيك مصطلحات يلا بلا .. لك شو يا خيوه : ماذا تريد وينك : أداة نداء أعطني جبسية : أعطني بطيخة آووووون : وهي فاكهة تدعى بإسم ( شمام أو بطيخ أصفر ) شرابة : قطعة سكر أو بونبونة أرواح : إذهب معي سنفور : سرفيس طوشة : مشكلة أو معركة أزوط : أنحراف في العين (( أحول (( تلقح : استلقي طواية : (( صحن معدني يقلى به (( مقلاة باطرش .. متبل فوقه اللحمة و البندورة بس يــــــا عيني ما أطيبة خلص بدي اعزمكن اختارو يوم واتفضلو لعندي .. دفعو صواب بالشنتيانة جاب أجلو  ( أي ضربه ضربا مبرحا بالسلاح الأبيض )) والله رجال معدل قوي ))زبدية : وتعني (( طاسة )) هي ما بعرف بأنو لهجات بسوريا ما بعرف يمكن جميع اللهجات .. تقبرني : من شدة المبالغة من القبر تشكل آسي : أي تضع تبات الآس على قبري عندما أموت تقبش عظامي : بنفس معنا تقبرني كربوج : لطيف و ودود مهضوم : خفيف الدم ورقة : ليرة (( العملة السورية (( ليش : لماذا شلونك : كيفك شو : ماذا شبك : ما بك بدي : أريد هادا : هذا أجدب : أحمق طاقين فيوزاته : مجنون يللا : هيا أبضاي : قوي و شهم زكاتك : لو سمحت أديش : كم يسلمو : شكرا بوسة : قبلة منيح : جيد لعمى : تقال من الدهشة و هي تخفيفا لكلمة : لعمش فوت : ادخل اجى : جاء لازم : يجب عالبيعة : ببلاش مسبّحة : أكلة حمص داكونة : ارنة مكنكنةمكان ما للتخباية شيء ما خرستانة :نملية :خزانة بالمطبخ. سئيفة :نصية نصاصي : هدوا البيوت وأت يكونو بين الدور والدور. حئلة : حقل بكاج : أفا السيارة المفتوحة. غلأ : الي بيسكرو فيه المحلات. كريجة :الي بيمشي فيه الولد الصغير أبل ما يتعلم المشي. نونية : كمان للولاد ((يلي بعملا الولد فيا وهو صغير ))بكون عمرو شي سنة فصعون :بيبي فرتوكة : صغير كتير انسلأ بدنو : يعني خجل كتير طجّونة : هي متل الطاسة. جرن : هادا في منو بالحمام بيحطو فيه المي كانو وبيتحممو فيه طشط أو طشت شي غميق بلاستك بعبو في ماء آظان : سخان المي كتلي وكتلك : صبلي وصبلك مي...الخ كبجاية : بيسكبو فيها الشوربة. نانرجة :وياسمينة:وكبادة : كلن اسماء شجرات بيطلعو بأرض ديار .. وفي منن بيساووه معئود (مربى ( حاووظ : خزان مي . غطيطة: ضباب مربعانية : رياح بتجي بوقت من السنة براس الحارة : (ظرف مكان) أول الحارة بالسوكة : (ظرف مكان) عل كوع =المفرق كازية : محطة البنزين كٌزلك : نظارة خبط لزء حدا أجاك هيك فجئا سفئ طرئ إيمعة : بوظة أشاطي : جمع قشطة لبخة : لا تستطيع فعل شيء انشلش ، انشلاشاً فهو مشلوش : أي أنه تفاجئ تشردق : غص أثناء طعامه ماكنة : قوية مفنش : يقال عن الأنف مفنش أي أنه كبير و مبحبح طاش حجره : لا يعرف ماذا يفعل مأرّحة : قوية حركشة : إثارة انتباه خناقة : مشكلة بهدلة : بعثرة كرامة الآخرين مشرأب : متفاءل عويصة : معقدة و صعبة الحل قرد ملفلف : حربوء :فتح قد حالو ممعوس : مفعوس بشكل رهيب مل يلي اعد على موزة شو بصير ... بتنمعس بقجة : قطعة قماش يلف بها الثياب بدلاً من الحقيبة طشمة : غبية أو بسيطة مفعوص : صغير سناً أو قدراً خرّيط : ارتعب مكتكت : مهتري فنطي : مشكلة ينتع : يشيل و يحمل مكمكرة : ملفوفة و تشعر بالدفء دبلكة : فراطة أو على أهون سبب يعني راح هيك متل يلي بوقع على الدرج من فوق لتحت دبلكة تبلكم : ارتبك في الحديث يبحلق : ينظر بإمعان مشئرئة : فرحانة كتير بئع هداك الصوت : صرخ بصوت عالي يكررك : يصر في سؤاله أو طلبه انتفض بدنه : انهز و زعل نفضت الصوبة : خرج الدخان منها و الشحاوير ضنضرمة : بوظة مفنجر عيونو : فتحها على أخرها هفتان : عايف حاله و تعبان خرج ناشف : هدية على شكل نقدي تدحكل : تفركش و وقع أرضاً او أكل زئ ول زئ هو حدا ماشي وأنت تمدلو اجرك شوبيصير يا بتدحكل يا بروح دبلكة صوته عم يلعلع : عالي جداً لبصة : تقال عن الطبخة متل اللبصة أي أنها شقفة واحدة تنبل : كسول مسفلئة : نحيفة نكاية : جكارة غنوجة : دلوعة طفش : ذهب مع الريح مشكولة : معلقة ممعوط : متكرر أو موجود بكثرة سنكوحة : نحيلة معسفة : طويلة هي بل أصل عصا فيها قش بنضفو فيها السقف يتشبرء : يصرف المال على كيفو مكبتل : مدعبل يعني كوباتيل بالفرنسي مروة : همة يبصبص : ينظر خلسة ((عم بيصبص على البنات (( تقريق : سخرية على الآخرين منتورة : تتصرف بانفعال و تقوم بحركات مالها طعمة قملة مفروكة : تقال لمن يشعر بالقفشة و الخيبة فطسان : منهك معفشك و مفشكل : شي فايت ببعضه و مبهدل مشحتفة : من هنا إلى هناك ليس لها مكان ملاطشة : متل الذبابة عندما تلاطش و تتخبط من مكان لأخر سرنوة : تصغير للقدر و الاحترام شنططة : بهدلة و تعتير يفلع : بنفجر مصفرنة و مبعجرة : تشبيه بالليمونة أي أنها متعبة مخ ترس : زي الجزمة القديمة .. عنيد حجاب الخاصرة : تقال لمن يرافق واحد تاني على طول وين ما راح طفس و سمج : غليظ طلطميس : لا يفهم شيئاً فرتيلة و عرقيلة : وضع العقبات في وجه الآخرين مأنبز : ظاهر للعيان ما بيحب الزاحلة : يريد كل شيء على أصوله سرسوبة : تقال لوصف الماء عندما ينزل كالخيط الرفيع من الحنفية أو الصنبور مكولك : عم يمسح جوخ يعني جرصة : فضيحة مدردحة : قوية و أد حالها دوبارة : حل أو طريقة يحوص و يلوص و يكرج متل الصوص : متل مكوك الحايك يعني مئلسة : مسخرة أللعلي : قال لي عقلي أو خطر في بالي كربج : توقف عن العمل حمصة الكي = سنجق عرض : متل العمل الردي يعني متل الشوكة مأطمشة : ناعمة قمباز : عباءة مقلمة بالأسود و الأبيض مفتوحة من الأمام يرتديها الرجال من زمان برجيس أو برسيس : لعبة مكونة من قماشة و أحجار و ست ودعات و يقال " دست و بنج و شكة و بارة و دوواء " مجرومة : مقصوصة بشكل شنيع مفرومة مشنشلة : مدندشة : مزركشة مربربة : سمينة يا حوينت التعب : يا خسارة (( راحت كل تربايتي فيك يا ابني )) نشن : حط عينو على شي أو صوب لبطة : متل الخبطة مشاطيح : وصف للأرجل الكبيرة مسلوعة : نحيفة سبوبة : يتسبب أي يسترزق .. رزقة غراية : لعاية أي ثرثارة ينجلق = يندلق : ياخذ راحته بالحكي أو التصرف دكة : حزام مدربسة : أي أنها أغلقت جميع الأبواب و الشبابيك زنيفتو آبة : ما عم يتحاكى أو شايف حالو أمطة : قطعة قماش توضع على الشعر تحت الحجاب دبية لبن : جرة كبيرة من اللبن جئجئة : شرشرة أو تشحيط يأبح : من القبح أي أنه يقوم بتصرفات مو منيحة أوضة : غرفة دزينة : مجموعة من 12 شغلة شلفط تمو : عندما يأكل المرء أكلة فيها حدودية. حارة يبربر : يتمتم أي يتحدث بصوت منخفض بخوف من ان احد يسمعه من دهنو سأيلو : هي شلونننن أذا لواحد عميعمل شغلة وبدو يكملا بكملا من الشي يالي بيطلعمنا من الزوايد تبعا ولي نشالله يفهمووا مشبشب حالو : يتصرف و كأنه ما زال شاباً طحمشة : دبلكة يعني راح فراطة شللف أذانو : مدهم ليسترق السمع صباط : بابوج : حذاء بلش : بدأ سربست : يتصرف بشكل جدي من دون مزح نقيفة : خشبة على شكل حرف Y و في أعلاها مطاطة زمهرير : برد قارس ملهوج : مرعوب و طايش حجره انسلت عافيتو : مرض و تعب حالو نايطة : باردة شوبك : قطعة خشب لرق العجين يحكش : يحكش السؤال في باله أي يخطر في باله بإصرار .. يملص توت : يأكل توت و يخرج الأعواد التي فيه هالضرسان :يعني بيعمل سغلات أكبر منوأو شي مالازم يعملو لا تحرموني ردودكم الحلوة .. تحياتي وتقديري للجميع .. بنت النواعير .. |
|      |
|
| الذين يشاهدون محتوى الموضوع الآن : 1 ( الأعضاء 0 والزوار 1) | |
| أدوات الموضوع | |
| طرق مشاهدة الموضوع | |
| |
المواضيع المتشابهه | ||||
| الموضوع | كاتب الموضوع | المنتدى | مشاركات | آخر مشاركة |
| بوش يصعد اللهجة ضد ايران في جولته الأوربية | SYRLOV | منتدى الأخبار العالمية | 0 | 06-11-2008 09:04 PM |
| اللهجة الحلبية ومفرداتها | Adeeb0o0o0o | العادات والتقاليد السورية | 12 | 06-04-2008 12:40 AM |
| سائقو شاحنات سورية يسعون لتسجيل شاحناتهم خارج سورية للهرب من ضريبة المازوت | SYRLOV | منتدى الأخبار المحلية | 0 | 05-16-2008 05:57 PM |
| سورية تسلم العراق آثارا عراقية تم ضبطها أثناء تهريبها عبر سورية | SYRLOV | منتدى الأخبار المحلية | 0 | 04-23-2008 11:41 PM |
| دقيقتين وتنغفر كل ذنوبك لا تبخل على نفسك | عاشق محروم | منتدى طريقنا إلى الجنة | 8 | 02-11-2008 11:50 AM |
 |
|  |
رد: اللهجة سورية في دقيقتين 
العرض العادي
